У Беларусь не пусьцілі намесьніка дырэктара Ваеннага музэя Латвіі

Юрыс Цыганоўс накіроўваўся на міжнародную навуковую канфэрэнцыю, куды яго запрасіў беларускі бок. Але беларускія памежнікі ў Нацыянальным аэрапорце Менск не прапусьцілі гісторыка й адправілі самалётам у Вільню.

Выявілася, што Цыганоўс уключаны ў расійскі «чорны сьпіс». У адпаведнасьці з пагадненьнямі паміж Беларусьсю й Расіяй забарона на ўезд для яго дзейнічае і на тэрыторыі Рэспублікі Беларусь. Ваенны музей Латвіі падпарадкоўваецца наўпрост міністру абароны.

euroradio.fm/эж