У Менску пройдзе беларуска-польскі бізнэс форум

Такую інфармацыю распаўсюдзіла Беларуская гандлёва-прамысловая палата.

Плянуецца, што ў мерапрыемстве таксама прымуць удзел старшыня Беларускай прамысловай палаты Ўладзімір Улаховіч, старшыня Польскай гаспадарчай палаты Анджэй Арандарскі, старшыня Пастаяннай камісіі Савета Рэспублікі Нацыянальнага сходу па міжнародных справах і нацыянальнай бясьпецы Сяргей Рахманаў.

На бізнэс-форуме будуць разгледжаны пэрспэктывы беларуска-польскага гандлёва-эканамічнага ўзаемадзеяньня, адбудзецца прэзэнтацыя дзелавога клімату дзьвюх краін.

Таксама заплянаваныя перамовы паміж прадстаўнікамі беларускіх дзелавых колаў і польскіх прадпрыемстваў, якія працуюць між іншым у сфэрах будаўніцтва, укараненьня біягазавых тэхналёгій, вытворчасьці прадуктаў харчаваньня, аўтазапчастак, мэблі.

Паводле Белта/юл