У Пінску адбудзецца рэканструкцыя моста

У Пінску з 11 сакавіка будаўнікі пачнуць уладкоўваць пляцоўку для ўзьвядзеньня наплаўнога моста. Гэта зьвязана з маючай адбыцца рэканструкцыяй моста праз раку Піна аўтамабільнай дарогі Р6 Івацэвічы-Пінск-Столін, паведаміў намесьнік старшыні гарвыканкама Генадзь Дубойскі.

Спэцыялістам неабходна добраўпарадкаваць прычал, устанавіць мацаваньне для наплаўнога моста. У сувязі з правядзеньнем работ будзе закрыты рух транспартных сродкаў па вул. Дняпроўскай Флатыліі ў межах вул.Камсамольская й вул.Бялова.

„Наплаўны мост даставяць прыкладна 17 сакавіка. Замацуем яго й перанакіруем на яго аўтатранспарт у сярэдзіне красавіка. Рух на асноўным мосьце будзе перакрыты, будаўнікі пачнуць выкананьне дэмантажных работ”, - сказаў Генадзь Дубойскі.

Наплаўны мост будзе разводным, каб пры неабходнасьці ў начны час прапускаць судны. Рух па ім будзе ў двух напрамках, прадугледжваюцца абмежаваньні па скорасьці й адлегласьці паміж транспартнымі сродкамі.

Аўтамабільны мост цераз Піну пабудаваны 40 гадоў таму. У мінулым годзе пасьля яго дэталёвага абсьледаваньня экспэрты прыйшлі да высновы, што аб'ект мае патрэбу ў рэканструкцыі. Абноўлены пуцеправод плянуецца ўвесьці ў эксплёатацыю да 7 лістапада.

belta.by/аз