Амністыя пройдзе ў Беларусі

Аляксандр Лукашэнка 25 лютага на сустрэчы са старшынём Вярхоўнага суда Валянцінам Сукалам даручыў распрацаваць законапраект аб амністыі ў сувязі з 75-годдзем вызваленьня Беларусі ад нямецка-фашысцкіх захопнікаў.

Кіраўнік Беларусі прапанаваў абмеркаваць праблемы, якія, магчыма, існуюць у працы судовай галіны ўлады, паведамляе ягоная прэс-служба. Паводле слоў Лукашэнкі, падрабязна гэтая тэма будзе абмяркоўвацца падчас адкрыцьця новага будынка Вярхоўнага суда ў красавіку.

Апошнім разам амністыю праводзілі ў Беларусі ў 2015 годзе ў сувязі з 70-й гадавінай перамогі ў Вялікай Айчыннай вайне. З 1991 года гэта была 14-я амністыя, якая закранула прыблізна 9 тыс. асуджаных.

паводле belapan.by/эж