У «Казловічах» на беларуска-польскай мяжы загарэўся грузавік

У пункце пропуску «Казловічы» на беларуска-польскай мяжы загарэўся грузавік. У момант узгараньня кіроўцы, грамадзяніна Польшчы, не было ў кабіне, ён знаходзіўся ў зале мытнага афармленьня.

Мытнікі самастойна патушылі пажар: абясточылі грузавік шляхам адлучэньня сілавога акумулятара ад сеткі аўтамабіля, пасьля чаго скарысталіся вогнетушыльнікам. У гэты час іншыя машыны эвакуявалі ў бясьпечнае месца, інфармуе прэс-служба Дзяржаўнага мытнага камітэту.

эўрарадыё/вс