За карупцыю затрыманыя службовыя асобы канцэрну «Мяса-малочныя прадукты»
PR dla Zagranicy
Natalia Szymkowiak
31.01.2019 16:02
На службовых асоб завялі крымінальную справу за атрыманьне хабару.
www.pixabay.com/RJA1988/CC0 Creative Commons
У Віцебску за хабар ад камэрсантаў затрыманыя службовыя асобы канцэрну «Мяса-малочныя прадукты». Сума атрыманых хабараў — больш за 150 тысяч беларускіх рублёў.
Падазраваныя пры пасярэдніцтве прыватных арганізацый закуплялі тавары для перапрацоўчых і сельскагаспадарчых прадпрыемстваў вобласьці і пастаўлялі іх па завышаным кошце.
Службовых асобаў затрымалі і завялі на іх крымінальную справу за атрыманьне хабару (ч.3 арт 430 Крымінальнага кодэксу Беларусі), на грошы і маёмасьць наклалі арышт.
ААТ «Віцебскмясамалпрам» зьяўляецца базавым лягістычным цэнтрам дзяржаўнага канцэрну «Мяса-малочныя прадукты». Прадпрыемства мае складзкія памяшканьні і халадзільныя камэры, ажыцьцяўляе грузаперавозкі спэцыялізаваным аўтатранспартам.
паводле Радыё Свабода/нг