МАК адмовіў у выдачы ліцэнзіі антыдопінгавай лябараторыі ў Беларусі

У Беларусі ў бліжэйшы час ня зьявіцца ліцэнзаваная міжнародная антыдопінгавай лябараторыі, заявіў начальнік адзела па разьвіцьці алімпійскага руху Нацыянальнага алімпійскага камітэта Беларусі Дзьмітры Даўгалёнак.

Паводле яго слоў, МАК, адмаўляючы ў акрэдытацыі беларускай лябараторыі, не тлумачыць прычын адмовы. «Яны моцна не тлумачаць, чаму адмовілі. Наколькі я ведаю, па ўсім сьвеце ёсьць каля 30 краін, якія маюць ліцэнзіраваныя лябараторый – і іх колькасьць МАК павялічваць ня хоча», – сказаў прадстаўнік НАК.

У Нацыянальным алімпійскім камітэце паведамілі, што праз прыпыненьня дзейнасьці бліжэйшай да Беларусі маскоўскай лябараторыі, пробы беларускіх спартоўцаў для аналізу адпраўляюцца ў замежныя лябараторыі. Такі альгарытм дзеяньняў павялічвае фінансавыя выдаткі.

Спартовы функцыянэр Дзьмітры Даўгалёнак заявіў, што колькасьць выпадкаў выкарыстаньня допінгу беларускімі спартоўцамі ў апошнія гады зьнізілася.

Паводле interfax.by/эж