На вуліцы Менска высыпалі ўжо 20 тысяч тон солі

Каля 37 тысяч кубамэтраў сьнегу вывезьлі зь менскіх вуліц з пачатку зімовага пэрыяду. Такую лічбу ў гутарцы з агенцтвам БелТА назваў гендырэктар ДВА «Гаррамаўтадар Менгарвыканкама» Дзяніс Глінскі.

Паводле яго словаў, штодня на прыборцы сьнегу працуюць каля 630 рабочых і больш за 380 машын. На апрацоўку вуліц ужо высыпалі 18 тысяч тон пясчана-саляной сумесі і каля 20 тысяч тон солі.

Глінскі дадаў, што дарожнікі працуюць круглыя суткі.

эўрарадыё/вс