У Менску пабудуюць 20-кілямэтровую веладарожку

У Менску пабудуюць 20-кілямэтровую веладарожку – з Чыжоўкі ў Зялёны Луг. У наступным годзе ў стліцы пачнецца будаўніцтва трох участкаў веладарогі.

У парку Цівалі (непадалёк ад станцый мэтро «Спартыўная» й «Кунцаўшчына») працягласьць складзе кілямэтр. Невялікі кавалак дадасца ад аквапарка «Лебядзіны» ў бок МКАД.

Але галоўны ўчастак – дарожка ад вуліцы Ташкенцкай у Чыжоўцы да Цнянскага вадасховішча ў Зялёным Лузе.

Гэта каля 20 кілямэтраў, паведамляюць «Мінск-Навіны».

Зь цягам часу мяркуецца зрабіць і кальцавую для аматараў веласіпеднага руху. Яна зьвяжа пяць паркаў горада.

наша ніва/вс