Журналісты дзяржаўных СМІ атрымаюць танныя кватэры

Адпаведнае распараджэньне падпісаў кіраўнік Беларусі Аляксандр Лукашэнка.

Мінгарвыканкам на працягу 2019-2025 гадоў будзе штогод складаць сьпісы тых работнікаў СМІ, якія «маюць патрэбу ў паляпшэньні жыльлёвых умоў». Яны змогуць заключыць дамовы на долевае будаўніцтва ў дамах, якія будуюцца зь абмежаваным прыбыткам забудоўшчыка. Гэта значыць, квадратны мэтар у іх будзе істотна таньнейшы за рынкавыя ўмовы.

Але ня ўсё так проста – работнікі дзяржаўных СМІ мусяць адпрацаваць кватэру мінімум пяць гадоў. Калі яны сыдуць з выданьня раней, то давядзецца даплаціць розьніцу паміж таннай цаной і рэальнай.

nn.by/эж