Людзі звозяць камяні для рэстаўрацыі Крэўскага замку

Людзі з усяе Беларусі звозяць камяні ў горад Крэва, разьмешчаны недалёка ад летувіскай мяжы. Яны неабходныя для рэканструкцыі мясцовага замку. Адбудова пачалася ў мінулым годзе. Аднак хутка закончыліся камяні, неабходныя для рамонту сьцен і вежаў.

Аматары гісторыі зьвярнуліся да народа, каб прывозіць камяні. Акрамя таго, яны сабралі грошы, каб купіць 200 тон будаўнічага матэрыялу. Гэта, верагодна, будзе дастаткова, каб выканаць сёлетні плян аднаўленьня. У наступным годзе на працу і набыцьцё будматэрыялаў павінны быць вылучаныя сродкі з дзяржаўнага бюджэту.

У Крэўскім замку ў 1385 годзе была падпісаная ўнія паміж Літвой і Польшчай. Будынак, пабудаваны ў асноўным з каменя, асабліва моцна пацярпеў падчас Першай сусьветнай вайны. У міжваенны пэрыяд, калі Крэва знаходзілася ў межах Польшчы, польскія ўлады пачалі там аднаўленчыя работы.

IAR/нг