Зь Беларусі хочуць дэпартаваць прэс-сакратарку АГП

Міграцыйная служба Міністэрства ўнутраных спраў Беларусі даслала прэс-сакратарцы Аб’яднанай грамадзянскай партыі Ганьне Красулінай рашэньне аб дэпартацыі. Пра гэта карэспандэнту Свабоды паведаміла сама Красуліна.

Красуліна сказала, што будзе абскарджваць рашэньне ў судзе.

Красуліна нарадзілася ў Расеі й мае расейскае грамадзянства. У Беларусь яна пераехала ў 2002 годзе. Муж і дзеці Красулінай маюць беларускае грамадзянства.

У АГП лічаць, што матывы дэпартацыі — палітычныя.

svaboda.org/аз