Лукашэнка заклікаў грамадзян падтрымліваць парадак

Беларускі кіраўнік заявіў, што не зьяўляецца прыхільнікам рыначнага падыходу. На ягоную думку дбаць аб разьвіцьці тэрыторый, добраўпарадкаваньне, стварэньні новых працоўных месцаў павінна дзяржава.

З іншага боку, павінна быць актыўнасьць людзей, каб яны па-гаспадарку падыходзілі да месцаў, дзе жывуць. Аляксандр Лукашэнка заклікаў людзей удзельнічаць у працэсе добраўпарадкаваньня ў меру сіл і магчымасьцяў. «Трэба варушыцца. Не трэба спадзявацца толькі на дзяржаву, – сказаў Лукашэнка.

У якасьці пазытыўнага прыкладу беларускі кіраўнік згадаў гарадзкі пасёлак Балбасава ў Аршанскім раёне, а таксама Копысь, дзе дзяржава за апошнія гады стварыла найбольш камфортных умоў для жыцьця людзей.

Гэты ўзор Лукашэнка паабяцаў распаўсюдзіць на іншыя невялікія населеныя пункты Беларусі ў бліжэйшыя некалькі гадоў.

Паводле Белта/юл