У Варшаве пройдзе выстава беларускай мастачкі Анатты

У Беларусім доме ў Варшаве 19 кастрычніка пройдзе вэрнісаж выставы "Эмоцыі жанчыны. Шлях да духоўнасьці" беларускай мастачкі Анатты.

У сваіх карцінах маладая мастачка кажа аб розных эмацыйных станах і аб глыбокім унутраным шляху трансфармацыі. Нестандартны падыход да жывапісу дазваляе гледачу ўбачыць свет з боку эмоцый, адчуць іх разбуральную і стваральную сілы, і паглядзець на духоўнасць, як шлях, які перш за ўсё нараджаецца ўнутры. Сэрыя карцін бярэ свой пачатак з нэгатыўных станаў і, як праходзіў цыкл зьменаў, паступова рухаецца да гармоніі і адчуваньня патоку. Сама мастачка перакананая, што яе жывапіс у першую чаргу для адчуваньня і ўсьведамленьня: "Калі глядач адчувае карціны, яму адкрываецца магія і рух энэргіі, захаваны ў іх."

Арганізатары запрашаюць правесьці восеньскі вечар у творчай атмасфэры з незвычайнай энэргіяй і бакалам чырвонага віна.

Беларускі дом/ав