Улады ў Сьветлагорску забараняюць грамадзянам пратэставаць

Заяўку на правядзеньне мітынгу на 29 верасьня падаваў актывіст ініцыятыўнай групы па кантролю за працай завода беленай цэлюлёзы (ЗБЦ) Анатоль Зьмітровіч.

Чыноўнікі адмовілі, матывуючы сваё рашэньне тым, што ў гэты дзень у горадзе адбудзецца Рэспубліканскае лёгкаатлетычнае спартыўна-масавае мерапрыемства «300 талентаў для Каралевы».

Таксама ўлады заяўляюць, што яны ўдзяляюць пільную ўвагу пытаньням бясьпекі пры ўводзе ў эксплёатацыю завода беленай цэлюлёзы пабудаванага кітайскімі спэцыялістамі.

Пры гэтым нядаўна ў горадзе прайшоў флэшмоб супраць дадзенага будаўніцтва.

Паводле ПЦ «Вясна»/юл