Штурман зьбітага Іл-20 – ураджэнец Беларусі

Штурман расейскага Іл-20, які зьбілі над Міжземным морам, – ураджэнец Беларусі, піша сайт ura.news.

Гэта 33-гадовы Аляксандр Вячэрнін. У яго акаўнце ў сацыяльнай сетцы «Вконтакте» паведамляецца, што ён у 2007 годзе скончыў Чалябінскае вышэйшае вайсковае авіяцыйнае Чырвонасьцяжнае вучылішча штурманаў. У сацсетцы мужчына апошні раз зьяўляўся 4 верасьня.

Паведамляецца, што ў падмаскоўным горадзе Кубінцы ў Вячэрніна засталася жонка з маленькім дзіцем.

Самалёт Іл-20 быў зьбіты ўвечары 17 верасьня сырыйскімі сыстэмамі супрацьпаветранай абароны. Расея абвінаваціла ў гэтым ізраільскіх ваенных лётчыкаў, якія «прыкрываліся расейскім самалётам».

эўрарадыё/вс