Беларуская парлямэнцкая дэлегацыя наведвае Польшчу

Беларуская парлямэнцкая дэлегацыя на чале са старшынём пастаяннай камісіі Палаты прадстаўнікоў па правах чалавека, нацыянальных адносінах і сродках масавай інфармацыі Андрэем Навумовічам 17-20 верасьня наведвае Польшчу.

Як паведамляе прэс-служба Палаты прадстаўнікоў, візыт адбываецца па запрашэньні польскага боку. Дэпутаты Палаты прадстаўнікоў і члены Савету Рэспублікі наведаюць Варшаву, Беласток і Супрасьль. Заплянаваныя сустрэчы зь кіраўніцтвам Сэйма й Сэната парлямэнта Польшчы, кіраўнікамі Падляскага ваяводзтва, членамі польска-беларускай парлямэнцкай групы, прадстаўнікамі беларускай нацыянальнай меншасьці й польскіх дзелавых колаў.

Папярэдні візыт беларускіх парлямэнтароў у суседнюю краіну адбыўся ў студзені 2017 года.

белапан/радыё рацыя/вс