МЗС Беларусі прапануе Польшчы «сымэтрычна» адкрыць архівы

11-14 верасьня намесьнік міністра замежных спраў Беларусі Алег Краўчанка наведае Варшаву, дзе пройдуць беларуска-польскія кансультацыі. Пра гэта падчас брыфінгу паведаміў прэсавы сакратар МЗС Анатоль Глаз.

Акрамя абмеркаваньня агульных праблемаў палітычных адносінаў, намесьнік міністра будзе сустракацца з кіраўніцтвам Нацыянальнага архіву новых актаў Польшчы. Мяркуецца, што будзе разглядацца магчымасьць адкрыцьця польскіх архіваў для беларускіх дасьледчыкаў і беларускіх для польскіх.

Таксама ў Алега Краўчанкі заплянаваныя кантакты з прадстаўнікамі інтэлектуальнай эліты Польшчы і навукоўцамі, якія працуюць у сфэры міжнароднага супрацоўніцтва.

svaboda.org/эж