Японія ў 2019 годзе адкрые пасольства ў Менску

Японія ў 2019 годзе адкрые сваё пасольства ў Беларусі. Аб гэтым ішла размова 9 жніўня на сустрэчы старшыні Савета Рэспублікі Міхаіла Мясьніковіча з кіраўніком групы міжпарлямэнцкай дружбы «Японія — Беларусь», старшынёй спэцыяльнага камітэта Палаты прадстаўнікоў парлямэнта Японіі па рэгіянальным аднаўленьні Хірамічы Ватанабэ.

Цяпер інтарэсы Японіі ў Беларусі па сумяшчальніцтве прадстаўляе Надзвычайны і Паўнамоцны Пасол Японіі ў Расеі Таёхіса Кадзукі. У Менску таксама працуе пасол Японіі ў Беларусі Хірокі Такунага. Ён выконвае абавязкі Часовага паверанага.

Як растлумачыў Хірамічы Ватанабэ, у Беларусь у 2019 годзе будзе накіраваны дыплямат у рангу Надзвычайнага і Паўнамоцнага Пасла.

Belta.by/вк