Плянуецца дэцэнтралізацыя закупак мэдтэхнікі

У Беларусі ўдасканаляць сыстэму дзяржаўных закупак мэдыцынскай тэхнікі і лекавых сродкаў. Як адзначыў намесьнік міністра аховы здароўя Вячаслаў Шыла, размова ідзе пра ўзмацненьне дэцэнтралізацыі закупак.

Абласным, гарадзкім і раённым выканкамам, арганізацыям аховы здароўя будуць прадстаўлены паўнамоцтвы самастойна праводзіць закупкі пры строгім кантролі за ўсімі этапамі працэдуры.

Плянаваньне затрат на мэдтэхніку, мэдыкамэнты павінна завяршыцца да 1 верасьня, каб арганізацыі аховы здароўя атрымалі фінансаваньне пад гэтыя закупкі.

На ўзроўні арганізацыі аховы здароўя можна закупляць мэдтэхніку, вырабы мэдпрызначэньня, запчасткі коштам да 2 тыс. базавых велічынь (1 базавая велічыня — 24,5 бел. руб.).

Дарагое абсталяваньне і запчасткі будуць закупляцца цэнтралізавана, каб зьнізіць іх кошт.

Belta.by/вк