Беларусь і Польшча плянуюць супрацу ў сфэры аховы транспамежных вод

Беларусь і Польшча плянуюць заключыць пагадненьне аб супрацоўніцтве ў галіне аховы й рацыянальнага выкарыстаньня транспамежных вод, паведаміла агенцтву БелТА прэс-сакратар Міністэрства прыродных рэсурсаў і аховы навакольнага асяродзьдзя Беларусі Алена Меляшкова.

Дэлегацыя Мінпрыроды Беларусі на чале з намесьнікам міністра прыродных рэсурсаў і аховы навакольнага асяродзьдзя Андрэем Хмелем прыняла ўдзел у пасяджэньні беларуска-польскай рабочай групы па водных рэсурсах у Варшаве. У час пасяджэньня бакі абмеркавалі праект пагадненьня паміж урадамі Польшчы й Беларусі аб супрацоўніцтве ў галіне аховы й рацыянальнага выкарыстаньня транспамежных вод і ўзгаднілі тэкст дакумэнта. На пасяджэньні разглядаўся таксама шэраг іншых пытаньняў.

Акрамя таго, Андрэй Хмель правёў двухбаковыя сустрэчы з намесьнікам міністра марской гаспадаркі й рачнога флёту Польшчы, а таксама кіраўніцтвам Нацыянальнага фонду аховы навакольнага асяродзьдзя й водных рэсурсаў Польшчы.

вс