Зоркі «Славянскага базару» спаборнічаюць у камплімэнтах Лукашэнку

На канцэрце, які адкрыў «Славянскі базар», многія яго ўдзельнікі не саромеліся выказваць камплімэнты Аляксандру Лукашэнку.

Беларуская вядучая Алена Сьпірыдовіч ад імя ўсіх артыстаў, якія прымаюць удзел у канцэрце, і арганізатараў фэстывалю падаравала кіраўніку дзяржавы падарунак – пояс-абярэг.

Сэрбскі рэжысёр і музыкант Эмір Кустурыца, які выступае ў Віцебску са сваім No Smoking Orchestra, назваў Лукашэнку «найлепшым у сьвеце прэзыдэнтам».

Расейскі вядучы й тэлекамэнтатар Дзьмітрый Губерніеў папрасіў у Лукашэнкі магчымасьць пракамэнтаваць хакейны матч з удзелам прэзыдэнта Беларусі.

А папулярны расейскі сьпявак Мікалай Баскаў кінуўся абдымацца з Лукашэнкам.

naviny.by/вс