Менск прапануе АБСЭ рэзалюцыю аб лічбавай эканоміцы

Афіцыйная дэлегацыя Беларусі павезла на сэсію ПА АБСЭ рэзалюцыю аб лічбавай эканоміцы.

Беларуская прапанова скіраваная на разьвіцьцё лічбавай эканомікі, а таксама прысьвечаная пытаньням эканамічнага росту ў рэгіёне АБСЭ, ліквідацыі розных перашкод і бар’ераў, гарманізацыі стандартаў і г.д., – патлумачылі чыноўнікі

У склад беларускай дэлегацыі ўваходзяць тры сябры Нацыянальнага сходу: намесьнік старшыні Палаты прадстаўнікоў Баляслаў Пірштук і старшыні міжнародных камісій абедзьвюх палат Сяргей Рахманаў і Валер Варанецкі.

Падчас сэсіі ў прадстаўнікоў уладаў Беларусі заплянаваныя двухбаковыя сустрэчы з калегамі са Швайцарыі, Польшчы, Нямеччыны, Азэрбайджану ды некаторых іншых краін.

Асноўная тэма сэсіі – «Выкананьне абавязаньняў у рамках АБСЭ: роля парлямэнтаў».

Паводле Радыё «Свабода»/юл