Расейская сетка «Детскій мір» можа купіць беларускі «Буслік»

Кіраўніцтва расейскай розьнічнай сеткі па продажы дзіцячых тавараў «Детскій мір» разглядае магчымасьць выхаду на беларускі рынак, піша «Коммерсант» са спасылкай на ўласныя крыніцы.

Паведамляецца, што расейская кампанія пачала вывучаць магчымасьць арэнды памяшканьняў у беларускіх гандлёвых цэнтрах.

Адна з крыніц мяркуе, што для выхаду на мясцовы рынак кампанія мае намер купіць найбуйнейшага гульца падобнага фармату ў Беларусі — сетку «Буслік». Як адзначыла крыніца, раней «Буслік» сам выходзіў з прапановай да «Детского міра» аб продажы.

nn.by/яс