У Беларусі хуткасны інтэрнэт выкарыстоўваюць 3,19 млн абанэнтаў

За першы квартал 2018 году колькасьць абанэнтаў шырокапалоснага стацыянарнага доступу ў інтэрнэт павялічылася на 30 тысяч.

Агульная колькасьць абанэнтаў ШПД дасягае 3,19 млн. Шырыня зьнешняга шлюзу склала 1430 Гбіт/с, паведамляе прэс-служба Мінсувязі.

Ахоп насельніцтва паслугамі сотавай рухомай электрасувязі стандарту LTE па выніках справаздачнага кварталу склаў 68,5% у 76 населеных пунктах. Доля абанэнтаў LTE павялічылася з 10 да 25% у параўнаньні з 1 кварталам мінулага года.

naviny.by/вс