Беларускае паліва будуць пастаўляць ва Ўкраіну па Дняпры

У траўні па Дняпроўскім водным шляху ў Кіеў упершыню будзе пастаўлена 1,5 тысячы дызельнага паліва Мазырскага нафтапераробнага завода двума нафтаналіўнымі суднамі.

Пастаўкі плянуецца ажыцьцяўляць на сталай аснове, паведамляе ўкраінскі Цэнтар транспартных стратэгій.

Спачатку пастаўкі плянуюцца ажыцьцяўляць двойчы на месяц з пэрспэктывай выхаду на больш рэгулярныя рэйсы.

Публічнае акцыянэрнае таварыства «Кіеўпорт» разьлічвае, што з адкрыцьцём воднага шляху па Дняпры прадпрыемства зможа разьвіваць кантэйнерныя перавозкі ня толькі нафтапрадуктаў, але і ўгнаеньняў зь Беларусі.

svaboda.org/яс