У Менску абмяркоўвалі ўдзел жанчын у гісторыі Другой Рэчы Паспалітай

У Менску адбылася дыскусія пра тое, што ў гісторыі недаацэньваюць жанчын. Гутарка прайшла падчас прэзэнтацыі беларускага выданьня кнігі польскага аўтара пад загалоўкам «Уплывовыя жанчыны Другой Рэчы Паспалітай».

У выданьні апісаныя жыцьцё эліты і вядомыя ў міжваенныя пэрыяд асобы: Ядвіга Бэк, Марыя Дамброўская, Зофія Налкоўская. У часе сустрэчы з чытачамі польскі пісьменьнік, публіцыст і гісторык Славамір Копэр назваў таксама іншых жанчын, вядомых у Беларусі. Гэта жанчыны, якія паяўляліся ў жыцьці Адама Міцкевіча або маршала Юзэфа Пілсудскага. На думку аўтара кніжкі, іх роля ў польскай культуры ды гісторыі недаацэньваецца. «У мяне складваецца ўражаньне, што пісалі толькі пра мужчын, забываючы пра жанчын, якія адыгрывалі такую ж ролю, як мужчыны, а можа нават большую», – адзначыў Копэр.

На сустрэчу з пісьменьнікам у сталічную «Арт Сядзібу» прыйшло некалькі дзесяткаў чалавек, у тым ліку палякі, якія пражываюць у Менску.

У. Пац/нг