Пачалася праца па распрацоўцы новага Падатковага кодэксу Беларусі

Рабочая група пад старшынствам першага намесьніка прэм'ер-міністра Беларусі Васіля Мацюшэўскага пачала карэкціроўку Падатковага кодэксу. Пра гэта паведаміў 18 студзеня міністар па падатках і зборах Сяргей Налівайка. «Пачалася дзейнасьць па распрацоўцы новага Падатковага кодэксу», – адзначыў ён.

Паводле яго слоў, праца ідзе няпростая й напружаная. Сяргей Налівайка спадзяецца справіцца з пастаўленай задачай ва ўстаноўленыя кіраўніком дзяржавы тэрміны.

У працы бяруць удзел прадстаўнікі бізнэсу й бізнэс-саюзаў. Праект комплекснай карэкціроўкі Падатковага кодэксу плянуецца падрыхтаваць да 1 верасьня.

белта/вс