У Віцебску масава перайменавалі вуліцы

Напрыканцы году віцебскія дэпутаты адмовіліся ад перайменаваньня вуліцы і завулка Рэпіна ў гонар народнага артыста Беларусі і СССР Фёдара Шмакава, а таксама выправілі назву завулка Мікалая Сакмаркіна, бо раней прапусцілі літару «к» у прозьвішчы партызанскага камбрыга. Пра гэта пішуць «Народныя навіны Віцебска».

Таксама ў Віцебску зьявіцца вуліца з Бакавая – ёй стане былая Яравая. Вырашана перайменаваць вуліцу вялікага рускага мастака Рэпіна ў Рубе – яна стане Слаўнай.

Рубаўская Мінская вуліца, згодна з першым рашэньнем, стала Даламітавай. Аднак дэпутаты Віцебскага гарсавета, робячы работу над памылкамі, раптам выявілі, што ў Рубе ўжо была Даламітавая вуліца, у выніку яе прыйшлося перайменаваць у вуліцу Геолагаў.

На гэтым дэпутаты не скончылі й вырашылі, што Дзьвінскую вуліцу ў Рубе, якую ў мінулы раз яны хацелі назваць Лазурнай, лепш назваць Крышталёвай.

nn.by/яс