З палону ў Лівіі вызвалілі беларускіх мэдыкаў

Два беларускія лекары, якія сем гадоў працавалі ў Лівіі, былі захопленыя невядомымі ўзброенымі людзьмі.

Паводле МЗС беларускія лекары Іна Бабуш і Сяргей Здота ўжо пакінулі межы Лівіі. Захопленых беларусаў удалося вызваліць супольнымі высілкамі беларускага й расейскага бакоў, гаворыцца ў заяве МЗС.

З расейскага боку ў вызваленьні беларусаў прымалі ўдзел улады Чачні супольна з МЗС Лівіі і лівійскім Урадам нацыянальнай згоды, пры падтрымцы МЗС Расеі ў каардынацыі з МЗС Беларусі.

Чачэнскі кіраўнік Рамзана Кадыраў паведаміў, што вызваленьне беларусаў абмяркоўвалася падчас ягонай сустрэчы з Аляксандрам Лукашэнкам у верасьні бягучага году.

Паводле Радыё «Свабода»/МЗС/юл