Са 100-годзьдзем Кастрычніцкай рэвалюцыі беларусаў павіншаваў Лукашэнка

Аляксандр Лукашэнка павіншаваў грамадзян Беларусі са 100-гадовым юбілеем Кастрычніцкай рэвалюцыі.

У сваім звароце кіраўнік дзяржавы падкрэсьліў, што кастрычнік 1917 года адзначаны тым, што на палітычнай мапе зьявілася краіна "з прынцыпова новым укладам і абвяшчэньнем права нацый на самавызначэньне".

Лукашэнка дадаў, што сацыяльна-эканамічныя прынцыпы, сфармаваныя ў СССР, леглі ў аснову разьвіцьця прамысловага, навуковага, сельскагаспадарчага й сацыяльнага патэнцыялу сучаснай беларускай дзяржавы.

"Сёньня мы жывём у сувэрэннай, незалежнай краіне. Сваім розумам, талентам і працавітасьцю будуем моцную, стабільную дзяржаву, у якой галоўнай каштоўнасьцю зьяўляецца чалавек — сапраўдны патрыёт і гаспадар роднай зямлі", — канстатаваў беларускі кіраўнік.

эўрарадыё/вс