Споўнілася 80 год «Чорнай ночы» – масавага расстрэлу беларускай інтэлігенцыі

29 кастрычніка адзначаецца 80-я гадавіна «Чорнай ночы» – масавага расстрэлу рэпрэсаваных прадстаўнікоў беларускай інтэлігенцыі. У ноч з 29 на 30 кастрычніка 1937 года іх забілі каты з НКВД.

Сярод загінулых – Тодар Кляшторны, Міхась Зарэцкі, Мойша Кульбак, Алесь Дудар, Ізі Харык, Анатоль Вольны, Міхась Чарот, Юлі Таўбін, Платон Галавач.

Сталіністы рэпрэсавалі каля 600 тысяч жыхароў Беларусі з розных сацыяльных груп. Прыкладна 200 тысяч зь іх загінулі ў турмах ці былі расстраляныя.

У памяць пра «Чорную ноч» у нядзелю ад 23.00 у Курапатах, у месцы пахаваньня ахвяраў сталінскага рэжыму, пройдуць начныя чытаньні з удзелам гісторыкаў, паэтаў і музыкантаў.

паводле наша ніва/эўрарадыё/вс