«Беларуськалій» ня хоча супрацоўнічаць з расейскім «Уралкаліем»

«Беларуськалій» не бачыць мэтазгоднасьці ў партнэрстве з «Уралкаліем», заявіў сёньня гендырэктар прадпрыемства Іван Галаваты на міжнароднай галіновай канфэрэнцыі ў Менску.

«Беларуськалій» і Беларуская калійная кампанія пасьля 2013 года заваявалі аўтарытэт сярод пакупнікоў і вытворцаў. На мой погляд, гэта самадастатковыя кампаніі, каб ажыцьцяўляць сваю дзейнасьць самастойна«, – сказаў Іван Галаваты, адказваючы на пытаньне аб аднаўленьні супрацоўніцтва з «Уралкаліем».

Што тычацца экспарту, то беларускі калій сёньня займае 20% сусьветнага рынку калійных угнаеньняў.

«Апошнія два-тры гады мы ўтрымліваем лідзіруючыя пазыцыі ў экспарце калійных угнаеньняў у сьвеце », – адзначыў гендырэктар.

ААТ« Беларуськалій» зьяўляецца адным з найбуйнейшых вытворцаў і экспарцёраў калійных угнаеньняў у сьвеце, у склад прадпрыемства ўваходзяць чатыры рудаўпраўленьні, дапаможныя і абслугоўваючыя падразьдзяленьні.

belsat.eu/яс