Беларусь нарошчвае зьнешні гандаль

За першы квартал бягучага года зьнешнегандлёвы абарот павялічыўся на 21,6% ў параўнаньні з аналягічным пэрыядам 2016 года.

Зьнешнегандлёвы абарот Беларусі за першы квартал 2017 гаода склаў 18,3 мільярда даляраў, паведаміў Дзяржаўны мытны камітэт. Доля тавараабароту з краінамі Супольнасьці Незалежных Дзяржаў склала 61,5%. Экспарт у краіны СНД павялічыўся на 29,8% да 5,1 мільярда даляраў, імпарт – на 23,6% да 6,2 мільярда. Таваразварот з краінамі Эўрапейскага Зьвязу ўзрос на 6,2%. Экспарт і імпарт склаў 2,1 і 1,8 мільярда даляраў адпаведна.

Асноўнымі партнэрамі Беларусі ў зьнешнім гандлі сталі Расея, Украіна, Кітай, Нямеччына, Вялікабрытанія ды Польшча.

Асноўныя экспартаваныя тавары – нафтапрадукты, калійныя ўгнаеньні, малочныя прадукты, грузавыя аўтамабілі, трактары. Вядучыя пазіцыі ў імпарце з іншых дзяржаў займаюць сырая нафта, газы нафтавыя і нафтапрадукты.

Паводле Белта/юл