Лукашэнка й Парашэнка 26 красавіка наведаюць Чарнобыльскую АЭС

Аляксандр Лукашэнка з прэзыдэнтам Украіны Пятром Парашэнкам наведаюць атамную станцыю й разьмешчаныя побач зь ёй аб'екты.

Асноўная ўвага будзе нададзена работам па падтрыманьні на належным узроўні радыяцыйнай бясьпекі, што непасрэдным чынам закранае інтарэсы жыхароў абедзьвюх краін. Плянуецца, што кіраўнікі краін азнаёмяцца з будаўніцтвам новага бясьпечнага ахоўнага збудаваньня й захоўваньнем адпрацаванага ядзернага паліва, ушануюць памяць ліквідатараў і пацярпелых у выніку аварыі.

У гэты ж дзень Аляксандр Лукашэнка й Пятро Парашэнка правядуць перамовы на тэрыторыі Беларусі. Кіраўнікі дзяржаў абмяркуюць шырокі комплекс пытаньняў двухбаковага супрацоўніцтва, перш за ўсё ў гандлёва-эканамічнай сфэры, а таксама пытаньні палітычнага ўзаемадзеяньня, міжнародны парадак дня і далейшыя намаганьні па мірным урэгуляваньні канфлікту на паўднёвым усходзе Ўкраіны.

белта/наша ніва/вс