Гомельскага блогера Максіма Філіповіча прыехаў арыштоўваць спэцназ

Гамельчука Максіма Філіповіча затрымалі дома ў яго бацькоў. Пра гэта блогер пасьпеў паведаміць у сацыяльных сетках і нават зрабіць відэа з затрыманьня.

Як паведамлялася, 13 сакавіка над Філіповічам адбыўся завочны суд. За гомельскую акцыю «недармаедаў», якая прайшла 19 лютага, яго асудзілі на 13 сутак.

Як пасьпеў паведаміць сам блогер, затрымліваць яго прыехалі спэцназаўцы ў балаклавах. Пра суд над сабой Філіповіч даведаўся толькі ад іх. Ён быў вельмі зьдзіўлены, што затрымліваць яго па адміністрацыйнай справе прыслалі спэцназ.

Філіповіча хацелі затрымаць яшчэ 11 сакавіка на акцыі ў Пінску невядомыя ў цывільным. Аднак удзельнікі акцыі адбілі яго ў нападнікаў.

эўрарадыё/вс