Беларусь падпісала транспамежнае пагадненьне

Ідзецца пра пагадненьне аб фінансаваньні праграм транспамежнага супрацоўніцтва ЭЗ "Латвія-Летува-Беларусь" і "Польшча-Беларусь-Украіна" па лініі Эўрапейскага інструмэнту суседзтва на 2014-2020 гады.

Падпісаньне пагадненьняў стварае прававую аснову для ўдзелу Беларусі ў рэалізацыі названых праграм. Яны накіраваны на падтрымку супрацоўніцтва паміж краінамі-ўдзельніцамі ў такіх галінах, як кіраваньне дзяржаўнай мяжой, барацьба з транспамежнай злачыннасьцю, сумеснае рэагаваньне на надзвычайныя сытуацыі, абарона навакольнага асяродзьдзя, падтрымка прадпрымальніцтва, разьвіцьцё турызму, аховы здароўя і сацыяльных паслуг, ахова культурна-гістарычнай спадчыны, стымуляваньне міжкультурных сувязей і кантактаў паміж людзьмі.

Сукупны бюджэт абедзвьюх праграм перавышае 280 мільёнаў эўра, якія будуць выдзяляцца на праектную дзейнасьць у краінах-удзельніцах на конкурснай аснове. Пры гэтым больш за 20 мільёнаў эўра зарэзэрвавана на пазаконкурсную рэалізацыю ў Беларусі маштабных праектаў па разьвіцьці памежнай інфраструктуры.

Паводле Белта/юл