На Піншчыне зарэгістраваны Цэнтар гендэрных і прававых адносін

Пра гэта паведамляе Асамблея НДА Беларусі.

Пакуль установа можа пахваліцца рэгістрацыяй у Пінскім раённым выканкаме. Дзейнасьць і рэалізацыя ідэй – наперадзе. Гэта, у першую чаргу, знаёмства людзей з паняцьцем гендэра, расповеды пра стэрэатыпы й забабоны, іх уплыў на жыцьцё. Таксама ў плянах Цэнтру значыцца правядзеньне ў Пінску тэматычных выстаў.

Установа распаўсюдзіць сваю дзейнасьць на Пінскі, Лунінецкі, Іванаўскі раёны, і асабліва на студэнтаў і студэнтак Палескага ўнівэрсытэту, дзе навучаецца моладзь з усёй Беларусі. Заснавальніца Цэнтру Ангеліна Севярын спадзяецца, што з цягам часу пакрыцьцё дзейнасьці ўстановы пашырыцца ня толькі на тэрыторыю Берасьцейскай вобласьці.

Заяўленымі ў назьве прававымі пытаньнямі Цэнтар гендэрных і прававых адносін зоймецца, калі да працы НДА далучыцца юрыст. Пакуль гэтая пасада вакантная.

Вясна/ав