Беларусь павысіла экспартныя пошліны на нафту й нафтапрадукты

Беларусь з 1 лістапада павышае экспартныя пошліны на нафту й нафтапрадукты, якія вывозяцца за межы мытнай тэрыторыі Эўразійскага эканамічнага саюза. Адпаведную пастанову прыняў Савет міністраў.

Як паведамляе БелТА, зь сёньняшняга дня стаўка экспартнай пошліны на сырую нафту будзе складаць 92,7 даляра ЗША за тону замест ранейшых $91,9. Пошліна на прамагонны бэнзін будзе складаць 65,8 даляра за 1 тону (раней – 65,2 даляра), на таварныя бэнзіны – 56,5 за тону (раней – 56 даляраў).

У адносінах лёгкіх, сярэдніх дыстылятаў, дызэльнага паліва, бэнзола, талуола ўстаноўленая пошліна ў памеры 37 даляраў за 1 тону. Дагэтуль гэтая лічба складала 36,7 долара.

Мінулы раз экспартныя пошліны на нафту й нафтапрадукты ў Беларусі зьмяняліся 1 кастрычніка. Яны тады таксама былі павышаныя.

эўрарадыё/вс