Жонка Бакіева стала дырэктарам гатэля «Мінск»

Днямі дырэктарам рэспубліканскага ўнітарнага прадпрыемства «Гатэль Мінск» была прызначаная Назгуль Таламушова. За гэтым прозьвішчам хаваецца жонка былога прэзыдэнта Кыргыстана Курманбека Бакіева, які некалькі гадоў таму пасяліўся ў Беларусі.

РУП «Гатэль Мінск» зьяўляецца адным з ключавых актываў у структуры Кіраўніцтва справамі прэзыдэнта Беларусі.

Партал tut.by датэлефанаваўся да Назгуль Таламушовай. Але, выслухаўшы пытаньні, яна сказала, што не можа размаўляць. Папрасіла ператэлефанаваць пазьней. У выніку камэнтар атрымаць не ўдалося.

Бакіеў з 2010 года зьяўляецца грамадзянінам Беларусі, ён лічыць немагчымай сваю экстрадыцыю ў Бішкек, як патрабуе цяперашняя ўлада Кыргыстана.

nn.by/яс