Двое мужчын загінулі на прадпрыемстве "Гродна Азот"

У выніку надзвычайнага здарэньня на ААТ "Гродна Азот" загінулі двое рабочых, паведаміла прэс-служба МНС.

6 чэрвеня ў 12.45 у МНС паступіла паведамленьне пра задымленьне ў адным з цэхаў прадпрыемства.

Паводле папярэдняй інфармацыі, пры правядзеньні агнявых работ іскра патрапіла на гідраксіламінсульфат, у выніку чаго сьмяротнае атручэньне парай атрымалі двое рабочых, яшчэ двое былі шпіталізаваны.

Работнікі МНС падавалі ваду для астуджэньня рэчыва. Прычыны здарэньня высьвятляюцца.

БелаПАН/яс