Беларусь і Манака ўстанавілі дыпляматычныя адносіны

Сумесная заява аб устанаўленьні дыпляматычных адносін паміж Беларусьсю й Манака падпісана 15 красавіка ў пасольстве Беларусі ў Францыі. Аб гэтым паведамілі ў прэс-службе беларускага дыппрадстаўніцтва.

У адпаведнасьці з сумеснай заявай дыпляматычныя адносіны ўстаноўлены з даты яе падпісаньня й будуць разьвівацьца згодна са Статутам ААН і па міжнародным праве для ўмацаваньня міру й бясьпекі, на прынцыпах роўнасьці паміж дзяржавамі, павагі нацыянальнага сувэрэнітэту, незалежнасьці, міжнародных дагавораў, тэрытарыяльнай цэласнасьці і неўмяшаньня ва ўнутраныя справы краін.

Устанаўленьне дыпляматычных адносін паміж Беларусьсю й Манака будзе садзейнічаць разьвіцьцю двухбаковых адносін ва ўсіх сфэрах супрацоўніцтва, адзначылі ў пасольстве.

Манака стала 175-й дзяржавай, зь якой Беларусь устанавіла дыпляматычныя адносіны.

belta.by/аз