Мінабароны: інфармацыя аб расейскай авіяцыі не адпавядае рэчаіснасьці

Міністэрства абароны Беларусі катэгарычна абвергла заяву сакратара Савета нацыянальнай бясьпекі й абароны Ўкраіны Аляксандра Турчынава, зробленае ім у «Фэйсбуку».

Прадстаўнік украінскага ваенна-палітычнага кіраўніцтва абвясьціў, што Расея перакінула свае ваенна-транспартныя самалёты, зьнішчальнікі Су-27 і баявыя верталёты на аэрадром у Бабруйску (Магілёўская вобласьць).

«Дадзеная інфармацыя не адпавядае рэчаіснасьці», – заявіў БелаПАН начальнік упраўленьня інфармацыі галоўнага ўпраўленьня ідэалягічнай работы Міністэрства абароны палкоўнік Уладзімір Макараў.

Нагадаем, у верасьні 2015 прэзыдэнт РФ Уладзімір Пуцін даручыў Міністэрству абароны й МЗС Расеі правесьці з Менскам перамовы й падпісаць пагадненьне аб разьмяшчэньні ў Беларусі авіябазы. Праз некалькі тыдняў Аляксандар Лукашэнка заявіў, што гаворкі аб разьмяшчэньні расейскай авіябазы на тэрыторыі Беларусі ніколі не вялося.

naviny.by/ав