Беларусь на пазыцыі лідара

Гэтым пахваліўся сёньня міністар па прамысловасьці і аграпрамысловым комплексе Эўразійскай эканамічнай камісіі Сяргей Сідорскі.

Чыноўнік зазначыў, што гэта вынік рэформы, што праводзілі ўлады, у тым ліку глыбокай рэканструкцыі сельскай гаспадаркі.

У выніку Беларусь не стала сыравінным прыдаткам Эўразійскага эканамічнага саюза, а заняла там лідзіруючыя пазыцыі.

Пры гэтым Сідорскі прызнаў, што ёсьць падзеньне продажаў, паказчыкаў разьвіцьця эканомікі ў цэлым. На думку чыноўніка, гэта тлумачыцца тым, што беларуская эканоміка адкрытая, яе нельга аддзяліць ад іншых дзяржаў.

Цяпер, на ягоную думку, важна спакойна паглядзець на працэсы, што адбываюцца, рухацца вывераным шляхам і займаць лідзіруючыя пазыцыі там, дзе можна.

Паводле Белта/юл