Лукашэнка прапануе Аўстрыі "новую старонку"

Гэтую прапанову беларускі кіраўнік агучыў сёньня на сустрэчы з прэзыдэнтам Палаты эканомікі Аўстрыі Крыстафам Ляйтлам і першым намесьнікам старшыні Нацыянальнага савета Аўстрыі Карлхайнцам Копфам.

Беларускі бок заявіў, што гатовы на аснове тагачаснага досьведу супрацоўніцтва рухацца наперад. Аснова – гэта шчыльныя сувязі, што Беларусь падтрымлівала з Аўстрыяй. Аляксандар Лукашэнка падзякаваў аўстрыйскаму боку за інвэстыцыі й крэдытную дапамогу па мадэрнізацыі беларускіх прадпрыемстваў.

Ён падкрэсьліў, што ў Беларусі вітаюць аўстрыйскі бізнэс. Пры гэтым, ён выставіў умову, каб у Беларусь аўстрыйцы прыходзілі з эўрапейскім падыходам. Тады Лукашэнка паабяцаў бараніць аўстрыйскія кампаніі, як свае беларускія, і што будзе рабіць усё, каб ім тут было камфортна.

Паводле Белта/юл