Затрыманы віцэ-дырэктар Магілёўскага мясакамбіната

Затрыманы намесьнік дырэктара Магілёўскага мясакамбіната. Яго падазраюць у крадзяжы шляхам злоўжываньня службовымі паўнамоцтвамі. Распачатая крымінальная справа, інфармуе прэс-служба міліцыі Магілёўскай вобласьці.

Адзначаецца, што гэта ня першы факт выяўленага апошнім часам супрацоўнікамі міліцыі злачынства з боку службовых асоб прадпрыемства. Магчыма, хутка стануць вядомыя імёны саўдзельнікаў учыненага.

У ліпені чалец наглядальнага савета ААТ „Магілёўскі мясакамбінат” быў западозраны ў крадзяжы прадукцыі прадпрыемства больш чым на 300 млн рублёў. У канцы траўня загадчыца крамы фірменнага гандлю згаданага прадпрыемства была абвінавачаная ў крадзяжы некалькіх мільярдаў рублёў. Крымінальная справа ў дачыненьні да яе была распачата падчас расьсьледаваньня дзьвюх іншых спраў аб крадзяжах на прадпрыемстве.

euroradio.fm/аз