У Менску выяўлена 12 ачагоў існаваньня кляшчоў

foto: wikipedia

Санітарна-эпідэміялагічная служба Менска ў красавіку-траўні бягучага года абсьледавала паркі, сквэры, зялёныя зоны і тэрыторыі аздараўленчых лягераў горада. Свабоднымі ад кляшчоў аказаліся цэнтральныя паркі сталіцы з коратка стрыжанымі газонамі і рэдкімі дрэвамі. Адзінкавыя кляшчы былі выяўленыя ў лясных масывах, разьмешчаных на пэрыфэрыі гораду і лясах, што пераходзяць у прыгарадныя, а менавіта:

каля вадасховішчаў Заслаўскае, Крыніца, Дразды і Пціч,

каля Цьнянскага вадасховішча,

на вуліцах Цікоцкага і Нікіфарава,

каля станцыі мэтро Барысаўскі тракт,

у лесапарку ў Сьцяпянцы, каля пасёлка Сокал,

фруктовым садзе на вуліцы Рафіева,

пустцы ў межах вуліц Кірыенкі-Бельскага,

на азялененых тэрыторыях у раёне вуліц Прытыцкага-Матусевіча,

вуліцы П.Панчанкі-МКАД,

зялёнай зоне вуліц Лідзкая-Калесьнікава-Казіміраўская-Нёманская.

Спэцыялісты нагадваюць, што ў мэтах прадухіленьня непрыемных наступстваў трэба выконваць пэўныя правілы паводзін на тэрыторыі, дзе кляшчы сустракаюцца асабліва часта. Так, накіроўваючыся ў лес, неабходна апранацца такім чынам, каб зьменшыць магчымасьць запаўзаньня кляшчоў пад адзеньне. Таксама ў лесе трэба выкарыстоўваць проціклешчавыя рэпэленты і рэгулярна праводзіць сама- і ўзаемаагляды. Пасьля вяртаньня трэба правесьці поўны агляд цела, адзеньня. Акрамя таго, нельга заносіць у памяшканьне толькі што сарваных кветкак, галінак і іншых прадметаў, на якіх могуць знаходзіцца кляшчы.

blr.belta.by/эб