Чырвона-зялёная бутаньерка з яблыневай кветкай стала сымбалем 9 мая

Напярэдадні й падчас сьвяткаваньня 9 Мая кожнаму супрацоўніку арганізацый гандлю, бытавога абслугоўваньня і грамадзкага харчаваньня Міністэрствам гандлю рэкамэндавана дадаць да форменнай вопраткі сымбаль акцыі «Кветкі Вялікай Перамогі». Гаворка ідзе пра чырвона-зялёную стужку з кветкай яблыні – «прэм’ера» альтэрнатыўнай сымболікі прайшла яшчэ ў студзені гэтага года, калі прадстаўнікі БРСМ падаравалі яе Аляксандру Лукашэнку.

У рэдакцыю партала Tut.by чытачы даслалі здымак дакумэнта, які работнікі гандлю на днях атрымалі з Упраўленьня гандлю й паслуг Віцебскага аблвыканкама. У ім агаворваюцца ўмовы ўдзелу ў рэспубліканскім патрыятычным праекце «Кветкі Вялікай Перамогі». Органы кіраваньня просяць прыняць меры «па наяўнасьці сымбаля акцыі, прымацаванага да форменнай вопраткі, у кожнага работніка арганізацыі гандлю, бытавога абслугоўваньня і грамадзкага харчаваньня».

яс/nn.by/tut.by