У Беларусі ўводзяцца дадатковыя меры па абароне правоў спажыўцоў

У Беларусі ўводзяцца дадатковыя меры па абароне правоў спажыўцоў. Гэта прадугледжана ўказам нумар 567, які прэзыдэнт Беларусі падпісаў 5 сьнежня, паведамілі ў прэс-службе беларускага лідара.

Указам прадугледжваецца надзяленьне намесьніка міністра аховы здароўя - галоўнага дзяржаўнага санітарнага ўрача Беларусі дадатковымі паўнамоцтвамі па кантролі за выкананьнем санітарных норм і правіл у сфэры розьнічнага гандлю й грамадзкага харчаваньня.

Прадугледжваецца таксама перадача ад Міністэрства эканомікі Міністэрству гандлю паўнамоцтваў на рэгуляваньне й кантроль за цэнаўтварэньнем на асобныя спажывецкія тавары (работы, паслугі).

Міністр гандлю надзяляецца правам на прыняцьце рашэньня аб забароне работы аб'ектаў гандлю й грамадзкага харчаваньня ў выпадку неўстараненьня фактаў парушэньня заканадаўства аб цэнаўтварэньні, гандлі й грамадзкім харчаваньні.

Дакумэнт дасьць магчымасьць сканцэнтраваць функцыі, што забясьпечваюць падтрыманьне парадку на ўнутраным спажывецкім рынку й выкананьне санітарных норм і правіл, правіл ажыцьцяўленьня розьнічнага гандлю, грамадзкага харчаваньня й цэнаўтварэньня, у Міністэрстве гандлю й дзяржаўнай санітарнай службе й пры гэтым не прывядзе да дадатковага расходаваньня бюджэтных сродкаў.

belta.by/аз