Затрыманы былы палітзьняволены А. Гайдукоў
PR dla Zagranicy
Elvira Sienkiewicz
21.11.2014 16:43
У Наваполацку затрыманы былы палітзьняволены, актывіст хрысьціянска-дэмакратычнага руху Андрэй Гайдукоў.
foto:vitebsk.spring.org
Як паведамляе прэс-служба аргкамітэту па стварэньні партыі "Беларуская хрысьціянская дэмакратыя", Гайдукоў быў затрыманы 21 лістапада пасьля раздачы ўлётак зь інфармацыяй пра беларускіх палітзьняволеных. Амаль увесь час за Гайдуковым сачылі людзі ў цывільным, якія здымалі падзеі на відэа. Актывіст быў затрыманы па дарозе дамоў.
Нагадаем, Гайдукоў правёў у няволі паўтара года — зь лістапада 2012 г. па травень 2014-га. Беларускія праваабаронцы выступілі з сумеснай заявай, у якой прызналі Андрэя Гайдукова вязьнем сумленьня.
БелаПАН/эб